Нуредини: Чистата енергија е клучот за намалени климатски промени и поздрава иднина
Министерот Нуредини се обрати на енергетскиот ден од програмата на претседавачот со #COP26, Обединетото Кралство, посветен на Алијансата за напуштање на јагленот (Power Post Coal Alliance) чија членка е и Република Северна Македонија.
Во пленарната сала, со свои излагања настапија министри, како и извршниот директор на Меѓународната агенција за енергетика и специјалниот советник за клима при ОН, со цел забрзување на глобалното напуштање на производството на енергија од јаглен и праведна транзиција.
Презентирајќи ги националните амбиции трасирани во Ревидираниот национален придонес кон Договорот од Париз, министерот Нуредини рече:
- Имајќи предвид дека нашата амбиција во НДЦ-то поделена по сектори е еднаква на намалување од 66% од емиисите во енергетскиот сектор до 2030, се чини дека климатскиот предизвик во голема мера, во суштина е предизвик за чиста енергија.
Министерот Нуредини, ги презентираше напорите да го диверзифицираме нашиот енергетски микс со инвестирање во обновливи извори на енергија, меѓутоа ја истакна и потребата за поддршка од развиените земји во рамките на вакви партнерства за остварување на успешна и праведна транзиција на земјите како нашата.
*На Климатскиот самит на ОН #COP26 во Глазгов, најавени се 27 нови членки на Алијансата за напуштање на јагнот (PPCA), со што вкупното членство на PPCA се зголеми на 164 земји, градови, региони и бизниси кои преземаат решителни активности за да ги исполнат своите домашните обврски за постепено укинување и соработка за да се забрза глобалната транзиција од јаглен кон чиста енергија.Во Алијансата се приклучуваат и 11 финансиски институции, со што вкупниот број е 33 финансиски членки со средства над 17 трилиони американски долари, а ангажманот на PPCA со земјите зависни од јаглен дополнително се зајакнува преку дополнителни членки на локалната влада и комуналните претпријатија, како и ново партнерство со Климатските инвестициски фондови.
-
Справување со климатските промени и загадувањето на воздухот во градот Скопје
29-04-2018 -
Корисни линкови
26-01-2021 -
Финансирање во климата
28-01-2022 -
Микронаративи
08-06-2022
{{"article.lastestPosts"|translate}}
-
Општините потпишаа Декларација за активна заштита на животната средина и ублажување на климатските промени
01-02-2024 -
ШУКОВА: Ние, како држава мора да преземеме сеопфатни мерки на адаптација кон климатските промени
01-02-2024 -
Пресметајте го вашиот јаглероден отпечаток
20-12-2023 -
COP28: МЖСПП на панел за Споделување на одржливоста преку оценка на перформансите на животната средина
11-12-2023
Мод за знаковен јазик
Говорен асистент
Означи линкови
Зголеми маус