Обуката главно се фокусираше на идентификување на алатките и давателите на глобални податоци поврзани со животната средина; загадување на воздухот, море/води, земја, намалување на ризик од катастрофи, итни случаи, а особено за климата. Европските и глобалните даватели на податоци беа презентирани со главен фокус на Copernicus Climate Data Store, која е платформа од каде што може да се преземат проекциите за климата и сезонските прогнози. Овие податоци се добиваат од сателити и  системи за мерење базирани во земја, воздух и море, и се корисни за наоѓање податоци за климатски сценарија за одреден временски период засновани на одреден регион.

д-р Ѓурѓевиќ, ги презентираше начините за користење на оваа услуга за даватели на податоци и потребните софтверски пакети за преземање на климатските проекции и податоците за сезонска прогноза. Тој, исто така, особено се фокусираше на начините како се обработуваат податоците и да ги направат оперативни, како и на нивната визуелизација. Тој истакна дека еден од главните предизвици во текот на целиот процес е бројот на модели, т.е. кога бројни модели се множат, што резултира во голема величина на податоците и компликација во нивната обработка.

Оваа обука беше неопходна и корисна за вработените на нашата национална Управа за хидрометеоролошки работи, кои беа заинтересирани во овие алатки и даватели на податоци кои ќе им овозможат и ќе им помогнат во подготовка на извештаи, развој на анализи на екстремните климатски индекси и сезонски прогнози.