Одговараме на вашите прашања за климатските промени. Сѐ што не сте знаеле или ве интересирало, ќе ви дадеме одговори.

Првото прашање кое ни пристигна, а на кое веќе имаме одговор беше поставено од невладина организација на територија на општина Илинден која се занимава со акции за пошумување и нивните триесетина волонтери сакаат и натаму да продолжат со ваков вид на акции.

„Ние сме невладина организација на територија на општина Илинден со триесетина волонтери, и сакаме и во иднина да спроведуваме акции за пошумување, но немаме искуство во пишување на проекти и досега не сме аплицирале за финансиска помош. Дали можете да ни дадете информации во оваа насока?“, гласи прашањето.

Емсал Ајредини од Проектот за климатски промени на Министерството за животна средина и просторно планирање го даде одговорот. Таа ги повика невладините организации да продолжат со нивните активности, во делот на пошумување да соработуваат со општините за избор на локација. Исто така за пристапот до финансии постојат многу отворени повици и фондови кои поддржуваат акции за пошумување, па така со креирање на квалитетни проекти за амбициозни климатски акции може да се обезбедат соодветните средства.

Поставете климатско прашање и ние ќе ви одговориме. Заедно да се едуцираме и преземеме #КлиматскаАкција.