Вселенската агенција НАСА дел од активностите ги посветува и на штетните и катастрофални последици предизвикани од климатските промени. Затоа тимот на НАСА преку својата веб платформа нуди две едукативни и забавни мобилни апликации кои може да ви бидат интересни или од корист.

Првата е мобилната апликација Earth Now која како главен фокус го има ширењето на информации за климатските промени, и е од голема полза за ученици, студенти, наставници и професори, но и научници.

На апликацијата Earth Now ќе може да ги погледнете најновите информации прикачени преку сателитите Earth Science, а дел од податоците се прикажани и во 3D. 

Earth Now може да се преземе од App Store на следниот линк или пак за уред на Android платформата на следниот линк.

Втората препорака во изработка на НАСА е едукативната игра Offset каде главната задача е да го забавите засилувањето на климатските промени преку контрола на нафтените ресурси. Во текот на играта исто така е овозможена едукација за теми како Глобалниот јаглероден циклус, потоа за изворите на загадување, но и какви може да бидат позитивните ефекти од примена на обновливи извори на енергија и пошумување.

Играта Offset може бесплатно да ја преземете за iPhone.