Од градина на маса – се храниме здраво и одговорно

{{"article.by"|translate}} Емсаљ Ајредини од Куманово
{{"article.posted"|translate}} 06-02-2020

Од градина на маса – се храниме здраво и одговорно

Не толку одамна, татко ми започна да сади овошје и зеленчук на една мала парцела на нашата градина. На почетокот бев скептична и не можев да ја разберам потребата од толкав труд кога сѐ што ќе посакаме постои во големите супермаркети. Неговиот одговор беше: "Со одгледување на моја градина, јас сум тој што ќе одлучи што оди во мојата почва и растенијата кои ги одгледувам. Тоа ми дозволува да ја намалам количината хемикалите кои се штетни за нашето тело, како и ја загадуваат нашата околина."

Само по првите плодови, многу добро ја разбрав разликата; не само што вкусот беше подобар, но и научивме да конзумираме одговорно. Порано купувавме многу повеќе од тоа што навистина ни беше потребно, па често зеленчукот скапуваше и го фрлавме. Сега конзумираме директно од градината, а дополнителните производи ги набавуваме од локалните производители. Нашите причини се очигледни: ние одбиваме да купуваме храна што додека да стаса на нашата маса има испуштено илјадници емисии на стакленички гасови. Дополнително, вкусот на локално растената храна е многу подобар и трае подолго. Ние исто така наоѓаме мир во умот затоа што точно знааме од каде потекнува нашата храна и како се одгледува.

Освен тоа, купувањето храна од локални производители создава важни економски можности, обезбедува здравствени придобивки и помага во зближувањето на заедницата. Заштитата на животната средина како и поддршката на економијата во заедницата за нас е неверојатно важна.

> < A a A a A a A a Мод за дислексија	Мод за знаковен јазик
Говорен асистент	Означи линкови
- + Големина на текст	Зголеми маус

Од градина на маса – се храниме здраво и одговорно