Со велосипед штедам време, не загадувам, не емитувам стакленички гасови и си го подобрувам здравјето

Со велосипед стигам побрзо до саканата дестинација отколку кога би користел автомобил, бидејќи лесно се пробивам низ сообраќајните гужви, а паркирањето е многу поедноставно (и бара помалку време и помалку нервози). А зарем треба да се коментира дека финансиските трошоци драстично се намалија откако автомобилот го заменив со велиосипед. Воедно , одржувањето на велосипедот е многу пооевтино  а сето тоа позитивно се одрази и на моето здравје. Сега со задоволство се решавам за велосипедот како транспортна опција знаејќи дека го развивам позитивниот дух, дека лично не придонесувам за загадениот воздух во Скопје и не емитувам стакленички гасови кои сериозно ја менуваат климата, туку дека преку моето искуство  давам пример и другите (стари и млади) да го прифатат овој начин на движење низ градовите.

И на крај, сакам да потенцирам дека не ви е потребен исклучително скап или најнов модел на велосипед, напротив, ако немате друго, извадете и вашиот стар, заборавен велосипед од подрумот, зачистете го, украсете го по желба и уживајте во бенефитите, знаејќи дека на овој начин вложувате во себе, дека си го подобрувате здравјето и расположението, дека придонесувате за почист воздух и поздарава животна средина во вашиот град.