Министерот за животна средина и просторно планирање, Насер Нуредини, со свое излагање учествуваше во високиот сегмент во рамките на 25-та Конференција на Страните на Рамковната Конвенција на ООН за климатски промени, која се одржува во Мадрид, Шпанија, 10-11 декември 2019 година.​Конференцијата за климатски промени во 2019 година се одржува во време на повици кон земјите да ги засилат сопствените и колективните амбиции на нивните придонеси за намалување на климатските промени. Чилеанското претседателство ја именува конференцијата како „Време за акција“, а многумина ја гледаат оваа конференција како пресврт во климатските амбиции кон Парискиот договор.
На конференцијата се разгледуваат теми кои имаат импликации за климатските амбиции пред и по 2020 година. Техничките аспекти, особено од воведувањето на нови пазарни механизми во рамките на Договорот од Париз, се разгледуваа во текот на првата недела, а во моментов се одвива високиот сегмент, каде министрите одговорни за креирање на климатските политики разговараат за ублажување, обезбедена поддршка и активности на Маракешкото партнерство за глобално климатско дејствување.
Во оваа насока, треба да се забележи дека Република Северна Македонија се приклучи и кон Алијансата за климатска амбиција (Climate Ambition Alliance), најавувајќи зголемен национален придонес до 2020 година.
Во своето обраќање, Министерот особено ја истакна потребата од интегриран, отворен и транспарентен пристап базиран на знаење и ја изнесе подготвеноста на државата за засилување на амбицијата за национален придонес кон ублажувањето на климатските промени до крајот на 2020 година. Дополнително, Министерот ја постави паралелата помеѓу висока амбиција и можност за нискојаглероден раст и развој, зелени работни места и праведна транзиција кон чиста енергија.

Центарот за истражување и информирање за животна средина Еко свест учествуваше на COP 25, за што објавуваше сејкојдневни извештаи кои се достапни на следниве линкови:

Информации за 2.12.2019г.,

Информации за 3.12.2019г.

Информации за 4.12.2019г.

Информации за 5.12.2019г.

Информации за 6.12.2019г.

Информации за 9.12.2019г.

Информации за10.12.2019г.

Информации за 11.12.2019г.

Информации за 12.12.2019г.

Информации за 15.12.2019г.