ПРОМОВИРАЊЕ НА ОБНОВЛИВА ЕНЕРГИЈА ПРЕКУ ЕНЕРГЕТСКО-ЕФИКАСНИ МЕРКИ ЗА ПОДОБРА ЖИВОТНА СРЕДИНА ВО ОПШТИНА ЗРНОВЦИ

ПРОМОВИРАЊЕ НА ОБНОВЛИВА ЕНЕРГИЈА ПРЕКУ ЕНЕРГЕТСКО-ЕФИКАСНИ МЕРКИ ЗА ПОДОБРА ЖИВОТНА СРЕДИНА ВО ОПШТИНА ЗРНОВЦИ

Главна проектна цел е промовирање на обновлива енергија преку енергетско-ефикасни мерки и користење на сончевата топлина како обновлив извор на енергија за подобра животна средина во општина Зрновци со намалување на трошоците за енергија и намалување на емисијата на CO2 од јавните објекти во Општината. Главните проектни активности вклучуваа: Поставување на сончев колекторски систем за затоплување и догревање на водата за парно затоплување на училиштето ОУ Синиша Стоилов, Зрновци, кое опфаќа вкупна греана површина од 3667 м3, или училишна зграда на 3 спрата и дополнителен објект со две училници; Вградување мерно-регулациска опрема и опрема за автоматска контрола за системот за греење во училиштето (сензори за термо регулација, изолација на цевки, замена на радиатори со поголема енергетска ефикасност, вградување на терморегулациони вентили); Одржување на обуки на волонтери за изработка и поставување на сончеви системи за топла вода; Одржување на консултативни состаноци/лобирање кај локалната и централната власт за зголемување за превземање на мерки за енергетска ефикасност и зголемување за користење на обновливите извори на енергија; Публикување и дистрибуција на печатен едукативен материјал (Збирка од национална легислатива за енергетска ефикасност и користење на обновливи извори на енергија во Република Македонија); Медиумска промоција на активностите на проектот преку средствата за јавно информирање.