СОНЧЕВА ЕЛЕКТРИЧНА И ТОПЛИНСКА ЕНЕРГИЈА ЗА НАМАЛУВАЊЕ НА СО2 ОД ГРАДИНКА

· Поставени хибридни сончеви колектори, први од ваков вид во Република Македонија, во клон 1 на детската градинка Павлина Велјанова – Кочани со што се намалува потрошувачката на електрична енергија во објектот каде што е лоциран клон 1 која што се користи за загревање на топла вода и осветлување. Во сите ходници во клон 1 се заменети постојните светилки т.н. неонки со нови светилки кои користат ЛЕД диоди за осветлување и поставени се сензори за движење. На годишно ниво се очекуваат следниве резултати: намалена емисија на CO₂ за околу 5 тони, намалена потрошувачка на електрична енергија за околу 5 MWh и намалени трошоци за електрична енергија за околу 94.000 МКД.

· Одржани работилници за воспитувачките, претставници на здружението и локалната самоуправа– обучени се 12 воспитувачки за обновливи извори на енергија (ОИЕ), а 8 претставници од општина Кочани и здружението за развивање на проекти од областа на ОИЕ.

· Организирана едукативната кампања со промовирање на проектот и подигање на свеста на сите јавни настани; Информација за проектот и активностите редовно објавувани во повеќе локални медиуми и портали, на општинската веб страна и веб страната за здружението. Организиран завршен настан со децата од градинката, нивните родители и локалното население. 

· Дизајнирани, отпечатени и дистрибуирани едукативна брошура (тираж: 1500 копии) и боенка (тираж: 200 копии); организиран Едукативен час наменет за формирање и развивање на свеста кај децата од предучилишна возраст (од 5 и 6 годишна возраст) и ликовниот натпревар на тема СОНЦЕ со добиени педесетина детски цртежи. Одбран еден цртеж за логото на градинката.

 Основни податоци за проектот