На 25.05.2021, ЗОР Милиеуконтакт Македонија ја реализираше петтата обука на тема „Учество на приватниот сектор во спроведувањето на националните придонеси кон ублажувањето на климатски промени“. Обуката е во рамки на CBIT проектот “Зајакнување на институционалните и технички капацитети за подобрување на транспарентноста за климатски промени во рамките на Договорот од Париз (CBIT проект)” на Министерството за животна средина и просторно планирање (МЖСПП), кој се спроведува во соработката со Програмата за развој на Обединетите нации (UNDP) и Глобалниот фонд за животна средина (GEF).

Цел на обуката е да обезбеди информации за претставниците на локалните самоуправи и претставниците на приватниот сектор за националните придонеси кон ублажувањето на климатски промени и начинот на кој приватниот сектор би можел да помогне во нивното спроведување.

На работилницата присуствуваа околу 40тина претставници од јавни/владини инстуции, претставник од МЖСПП, претставници од локалните самоуправи кои работат во сектори за заштита на животната средина, како и преставници на бизнис секторот.

Од страна на Г-ѓа Теодора Гранчаровска Обрадовиќ Државен советник за климатски промени при Министерство за животна средина и просторно планирање, беа објаснети националните придонеси кон ублажувањето на климатски промени (NDC), како и Ревидираниот национален придонес кон Договорот од Париз за клима, со што како национална цел е поставена амбицијата во 2030 година да се постигне 51% намалување на емисиите на стакленички гасови во однос на емисиите од 1990 година. Исто така беше истаканто дека овој документ ја носи државата кон Зелената агенда на ЕУ и Инвестицискиот План за Западен Балкан на ЕУ и може да служи како инструмент за засилени инвестиции. Ревидираниот национално утврден придонес кон Договорот од Париз е одраз на Зеленото сценарио од Стратегијата за развој на енергетиката до 2040 година и е целосно усогласен со предлог Националниот план за енергија и клима. Исто така е поврзан со изработката на Долгорочната Стратегија и Законот за климатска акција кои се уште се во работна верзија.

Исто така на оваа обука беа објавени и видео снимки/изјави од настанот #ВозможноЕ, а кои се донесуваат на тоа што се национални придонеси, како и предизвици и можности за вклучување на општините во борбата со климатските промени презентирани од страна на Општина Карпош и Локални одржливи бизнис иницијативи за намалување на климатските промени, како пример е печатницата Пропоинт која произведува зелена енергија од соларни панели.

#ВозможноЕ​ – Реални ДИСКУСИИ за реални РЕШЕНИЈА за амбициозни КЛИМАТСКИ АКЦИИ (MKD) прв ден - YouTube

#ВозможноЕ – Реални ДИСКУСИИ за реални РЕШЕНИЈА за амбициозни КЛИМАТСКИ АКЦИИ (МКД) втор ден - YouTube

Во презентацијата на тема Бизнис секторот како иницијатор за поамбициозна климатска акција – светски трендови, презентирана од страна на Др. Петра Поп Ристова, климатските промени беа претставени како закана за бизнис секторот, кои придонесуват кон нестабилна бизнис оперативност и зголемени трошоци, заглавени средства, негативен маркетинг, губење на репутација и бренд, притисок од потрошувачи, губење на вработени, не-конкурентност на светските пазари, неусогласеност со законска регулатива и правни импликации и сл. Исто така во презентацијата беа претставени и позитивни и возможни примери на климатска акција во бизнис секторот во светски рамки, како и инструментите за финансиска поддршка на бизнис секторот за климатска акција.

Во презентацијата на Проф. Др Илија Насов, претставник од Camel Solar, беа претставени неколку видови (хибридни колктори кои произведуваат и електрична и термална енергија) и начини на инсталирање на фотоволтаични панели (на покриви, фасади) во нашата држава, но и во странство (Дубаи, Бугарија, Италија, Холандија и др.). Исто така тие се обучени и имат опрема за тестирање и контрола на произведените соларни инсталации.

Од страна на Дипл. маш.инж Трајков Стефан од компанијата Еко Солар од Штип, беа презентирани соларни сушари, чија технологија е базирана на максимална апсорбција на сончева енергија (секоја страна е апсорбер), иноксни тацни и процес на сушење кој е контролиран со помош на ПЛЦ контролер. Беа презентирани разни типови на сушари и места каде се инсталирани во државата и странство.

Видео од целосната обука е достапна на овој линк.