На 15.02.2021, ЗОР Милиеуконтакт Македонија ја организираше втората обука на тема „ВРАЌАЊЕ КОН ПРИРОДАТА: Принципи за инвестирање во работни места поврзани со заштита на природата и иницијативи со цел да се поттикне економијата после пандемијата“. Обуката се реализираше во рамки на CBIT проектот “Зајакнување на институционалните и технички капацитети за подобрување на транспарентноста за климатски промени во рамките на Договорот од Париз (CBIT проект)” на Министерството за животна средина и просторно планирање (МЖСПП), кој се спроведува во соработката со Програмата за развој на Обединетите нации (UNDP) и Глобалниот фонд за животна средина (GEF).

Целта на работилницата е да обезбеди информации за релевантните засегнати страни и академската заедница за врските помеѓу акциите за обновување на природата, климатските промени, потребата за работни места поврзани со заштита на природата и инвестиции во зелена ниско-јаглеродна економија во периодот после пандемијата.

На работилницата присуствуваа околу 40тина претставници од јавните инстуции, претставници од Влада на РСМ, МЖСПП, МТСП, УНДП, ГЕФ, Институт за биологија, ПМФ, општини во РСМ и претставници на здруженија на граѓански оганизации кои работат во областа на животната средина.

Подолу може да ги најдете материјалите на Македонски јазик од обуката на оваа тема: 

Агенда на настанот

Враќање кон природата

Активности на Програмата за зачувување на природата (ПЗП) поврзани со пост-Ковид адаптација и климатски промени

Решенија засновани на природата