Одредувањето на странската помош во Македонија е олеснето благодарение на базата во СЕП каде секој проект се регистрира: во периодот 2014-2017г. идентификувани се 96 проекти со директно влијание врз ублажувањето на климатските промени во земјата. Вкупната поддршка од донатори изнесува  404,843,499 долари. А инвестицијата потребна за климатска акција, која ќе треб ада биде издвоена од национланиот или локалните буџети треба да изнесува од 2,6 до 5,2 милиони евра во зависност од нашата амбиција.

Потребни се промени во сегашниот начин на буџетирање, со цел да се потттикне климатска акција. Потребни се критериуми со кои ќе се оцени која акција ги адресира климатските промени која не. Министерството за финансии е во процес на менување на релевантната законска рамка, но не е доволно информирано за важноста на оваа проблематика.

Градењето на рамка за климатско буџетирање започнува со информирање па со акција.

Имено, подготовката на политики за климатски промени е поврзана со многу предизвици. Сите меѓународни извештаи повикуваат на итни промени за избегнување на климатска катастрофа. Сите држави треба да бидат дел од решението и сите (политичари, институции, приватен сектор, академици, поединци) имаат свое место и улога во големата загатка за климатски промени.

Државите редовно подготвуваат детални планови за климатска акција. И нашата држава не е исклучок (последниот двогодишен извештај е доставен до Конвенцијата на ОН за климатски промени на почетокот на 2018г). Бидејќи сме длабоко свесни дека имплементацијата на мерките има своја цена, и дека на државите во развој им е потребна финансиска подршка за климатска акција, Конвенцијата обезбедува различни механизми/фондови/билатерални проекти и сл.

Од друга страна, Конвенцијата бара од своите членки да известуваат колку средства примиле од донатори, а колку издвоиле од својот буџет за да ги намалат емисиите на стакленички гасови т.н. Рамка за климатски финансии и климатско буџетирање. Но, буџетите на државите се најчесто толку општи што тешко може да се издвојат активностите поврзани со климатска акција. Податоци за донаторска поддшка може да се најдат, но многу тешко е да се издвои процентот на средства од Буџетот на Владата или Министерствата алоциран/потрошен за имплементација на акциите наведени во стратешките документи за климатски промени.