Глобалната програма за поддршка на УНДП / УНЕП за Мониторирање, Репортирање и Верификација во партнерство со УНДП Македонија и Академијата за наука и уметност на Северна Македонија (МАНУ) одржа виртуелна техничка обука на заинтересираните земји од Западен Балкан и Источна Европа со цел да се подобри разбирањето на клучните чекори во ажурирање на националниот инвентар на стакленички гасови специфично за енергетскиот сектор, да се надминат предизвиците во овој процес и идентификуваат потенцијални решенија, алатки и инструменти за нив. Обуката се одржа на 9-ти декември 2020 година  преку платформата Zoom и траеше 3,5 часа.

​

Обуката започна со презентација за најдобри практики од тимот задолжен за правење инвентар на стакленички гасови во Северна Македонија и осврна на детали за собирање податоци, анализа на несигурност, конзистентност на временски серии, проверка на податоците и контрола на квалитет како и верификација за енергетскиот сектор, во согласност со барањата на методологијата IPCC од 2006 година. 

 Преку обуката се постигнаа следните резултати:

- Запознавање со искуствата на тимот за инвентар на стакленички гасови (GHG - тим) од Северна Македонија при ажурирање на нивниот национален инвентар на стакленички гасови во енергетскиот сектор;

- Разбирање на приодите што ги презема GHG - тимот за собирање податоци: Собирање

постоечки податоци; Генерирање нови податоци; Прилагодување на податоците за употреба при креирање на инвентарот;

- Осознавање на предизвиците и проблемите со кои се соочил GHG - тимот од Северна Македонија и начинот на нивно решавање

По темелна презентација на најдобрите практики, тимовите од Северна Македонија, Албанија, Грузија, Босна и Херцеговина, Молдавија, Црна Гора и Србија ги споделија своите искуства во пресметувањето на Инвентарот на стакленички гасови за нивните земји. Имаше информативна дискусија во врска со заеднички предизвици со кои се соочуваат и како најдобро да се решат истите.