Глобалната програма за поддршка (Global Support Programme, накратко GSP) за национални планови и двогодишни извештаи за климатски промени штотуку ги објави резултатите од тригодишната регионална пилот иницијатива „Родова интеграција во климатската транспарентност и мерење, известување и верификација (МРВ)“ за пет земји од Западен Балкан - Албанија, Босна и Херцеговина, Црна Гора, Северна Македонија и Србија и Либан.

Иницијативата на GSP имаше за цел да обезбеди насоки за земјите во развој како да се вклучи родовата еднаквост, чекор по чекор, во процесот на развој на националните планови и двогодишни извештаи за климатски промени, како и да се олесни размената на искуства и научени лекции во текот на овој процес.

Во документот се содржани напорите на нашата држава за родово одговорни климатски акции и се истакнуваат неколку добри практики, меѓу кои Прирачник за обука на родовите и климатските промени, конкретни истражувања за род и климатски промени во земјата, мобилизирање на женските политички групи како застапници за родови и климатски промени.

Најважната научена лекција е дека родовите аспекти можат да ја зголемат ефикасноста на македонските климатски активности. Покрај тоа, пилот-иницијативата ја зајакна соработката помеѓу Министерството за животна средина и просторно планирање и Министерството за труд и социјална политика и создаде услови за вклучување на родовите и климатските промени во новите стратешки документи, што се во фаза на развој.

Оваа пилот-иницијатива го даде потребниот поттик интегрирање на  родот и климатските промени во нашата земја, но Програмата за развој на Обединетите нации (UNDP) останува посветена и понатаму да ја поддржува интеграцијата на родовите аспекти во климатските активности преку своите тековни проекти. Следните чекори се:

• Идентификување на различни алатки за собирање на податоците за родово дисагрегирани податоци
• Охрабрување на младите за превземање на транспарентни и амбициозни климатски акции
• Поддршка на соработката помеѓу женските парламентарни мрежи од регионот во размена на искуства и перспективи во дизајнирањето на климатските политики и активности
• Поддршка на соработката на невладините организации, истражувачкиот и приватниот сектор во областа на род и климатските промени
• Соодветна комуникација со јавноста за корелацијата помеѓу полот и климатските промени.