Студија: Учество на приватниот сектор во ублажување на климатските промени во Република Северна Македонија – Сектор индустрија

Др. Александар Дединец, научен соработник во Македонската Академија на Науките и Уметностите, презентираше сет од конкретни мерки и политики со кои ќе се намали интензитетот на потрошена енергија во индустриските капацитети во државата а со тоа и емисиите на стакленички гасови. 

Тој нагласи дека Македонската индустрија учествува со 10% во БДП, опфаќа 30% од вработените во Македонија но е енергетски интензивна т.е. троши многу енергија (околу 22% од финалната потрошувачка на енергија). Следствено, и емисиите на стакленички гасови од овој сектор се значителни 27% во 2018 година. Со намалување на потрошената енергија ќе се намали цената на производот и со тоа се зголемува конкурентноста на пазарот.

Главна цел на мерките и политиките предложени за дискусија е да се овозможи раст на индустриско производство при намалена потрошувачка на енергија, со што ќе се овозможи намалување и на стакленички гасови и на локалните емисии од овој сектор. Одреден e потенцијалот за ублажување на климатските промени при имплементацијата не само на секоја поединечна мерка туку и на сите мерки заедно, со што се овозможува намалување на потрошувачката на енергија од секторот Индустрија за 24% во 2040

Финална потрошувачка на енергија по индустриски гранки

Дискусијата со учесниците потврди дека предложените мерки се успешно идентификувани, а како особено ефикасна мерки беа препознаени воведување на ISO 50001 стандардот (таму каде што е можно) или спроведување на редовна енергетска контрола. Дополнително, присутните учесници потврдија и информираа за постоењето на комплементарни активности, поддршка и иницијативи поврзани со имплементација на стандардот и позитивните резултати од досегашни применети мерки. А со тоа се иницираа и потенцијални нови соработки и развој на можности за намалувањето на негативниот ефект врз животната средина кој оваа индустрија го има. 

Студија за индустрија - анализа на мерки и политики (СТУИНД) е подготвена во рамки на проектот „Четврт национален план и Трет Двогодишен извештај за климатски промени“ кој Министерството за животна средина и просторно планирање го спроведува со техничка и финансиска поддршка на UNDP и GEF. Истата беше презентирана од Др. Александар Дединец, научен соработник во Македонската Академија на Науките и Уметностите.