ОПШТИНА БОГОВИЊЕ ЕНЕРГЕТСКИ ЕФИКАСНА ОПШТИНА

· Набавени и поставени 1200 штедливи сијалици во општина Боговиње. Добиената заштеда на годишно ниво е 284.000 kWh или околу 20% заштедена електрична енергија. Се прогнозира намалување на испуштањето на стакленички гасови за најмалку 34.3125 кг СО2 

· Изработена Програма и акциски план за енергетска ефикасност во општина Боговиње (Април 2013 – Декември 2013) со конкретни предлози на заштеда на енергија во јавните објекти, првенствено во основните училишта, за истите подоцна да можат да бидат доставени до други донатори за поддршка.

· Организирана Обука за општинската администрација за користење на системот за следење на енергетската ефикасност на општинско ниво ExCITE, креиран од УНДП. Обуката ги опфати темите: прикажување во скратена форма на обврските кои ги имаат општините во секторот енергетска ефикасност; начини за реализација на оптимални мерки со кои ќе се намали потрошувачката на енергија; остварување на финансиски заштеди; можности за создавање на нови работни места; зголемување на конкурентноста на производите и намалување на загадувањето на животната средина. Организирани Средби и обуки претставници на основните училишта, со цел создавање на координиран систем за доставување информации до одделението за локален економски развој во општината.

· Организирана едукативната кампања со промовирање на проектот и подигање на свеста на сите јавни настани; Буџетски форуми организирани во општината беа искористени за претставување на проектот од страна на градоначалникот, но и потенцирање на важноста и потребата од заштедата на електрична енергија. Информација за проектот и активностите редовно објавувана на општинската веб страна, општинскиот весник, како и на ФБ страната на општината и градоначалникот. Изработени и дистрибуирани летоци со едукативно/промотивни содржини на албански и македонски јазик.