НАМАЛУВАЊЕ НА ЕМИСИЈАТА НА СО2 ПРЕКУ ЗАМЕНА НА ФОСИЛНО ГОРИВО СО БИОМАСА– ДРВЕН ОТПАД ВО ПОЛОШКИОТ РЕГИОН

· Набавен и инсталиран топловоден котел (МА – 100,100KW) на пелети во ЦОУ „Коста Рацин“, општина Брвеница. Преку менување на котелот од фосилно гориво (нафта) на биомаса (дрвен отпад – пелети) е намалена цената за загревање на училиштето. Со инсталирањето на котелот на пелети планирано е да се користат 22.000 kg пелети (260.000 kwh; 1kg = 5kwh) со емисија на 0 тони CO₂ и потрошувачка од 264.000 МКД. Оттука, заштедата на општина Брвеница за загревање на училиштето би била околу 400.000 МКД (околу 7.000 САД$) на годишно ниво. Заштедените средства општината ќе ги троши за други развојни активности од областа на екологијата;

· Зајакнати капацитети на општинската администрација со одржување на две работилници каде 35 учесници беа запознаени со климатските промени, што претставува глобалното затоплување и ефектите од него, ефектот на стаклена градина, како и кои се мерките и начините за справување со климатските промени. Учесниците ја разгледаа Програмата за енергетска ефикасност на Општина Брвеница 2013-2015, одредија приоритети во рамки на општината и истите ги доставија до Градоначалникот на Општина Брвеница за да бидат внесени во наредното ревидирање на Програмата.

· Градење на партнерство помеѓу граѓанскиот сектор и општината, како и подигнување на јавната свест кај локалното население за придобивките и потребата од употреба на дрвна биомаса наместо фосилно гориво со организирање на 3 работилници каде пред 45 присутни граѓани беше претставен проектот, активностите и очекуваните резултати.

· Изработен леток со едукативно – промотивна содржина во 350 примероци на албански и македонски јазик и истиот беше дистрибуиран во училиштата и на јавните настани организирани од страна на Општина Брвеница.

· Во рамки на проектот беа формирани 4 здруженија на граѓани во Општина Брвеница: „Брвеница“ од Брвеница, „Беса“ од Челопек, „Месажи“ од Челопек и „Златна детелина“ од Брвеница.